Takim në Çukë, fermerët po përballen me pasoja të rënda pas çarjes së argjinaturës së lumit të Bistricës / 28 Nëntor 2025

Në Çukë, fermerët po përballen me pasoja të rënda pas çarjes së argjinaturës së lumit të Bistricës. Qindra tonë misër dhe produkte të tjera bujqësore u shkatërruan brenda magazinave dhe mbi 700 krerë bagëti kanë ngordhur.

Mungesa e investimeve në mirëmbajtjen e argjinaturave, kanaleve kulluese dhe mungesa e mjeteve për ndërhyrje e rënduan edhe më shumë situatën.

Sot, më shumë se kurrë, banorët e prekur në Cukë kanë nevojë për mbështetje dhe dëmshpërblimet për pasojat që ju erdhën jo vetëm nga shirat por dhe nga keqmenaxhimi shtetëror.