Bashkë me kolegët e Grupit Parlamentar të miqësisë Shqipëri – Japoni pritëm në kuvend delegacionin nga Japonia, të kryesuar nga Kryetari i Grupit, z. Hirai Takuya dhe ambasadori Takada | 29 Gusht 2023

Falenderuam delegacionin japonez për gjithë ndihmën financiare të dhënë në arsim, infrastrukture, bujqesi, mjedis, shëndetësi dhe kulturë.

Ekziston fryma pozitive që marrëdhëniet mes dy vendeve tona të avancojnë në të gjitha nivelet. Kjo edhe falë punës së shkëlqyer të berë deri tani nga Ambasadori Takada, ambasada japoneze, dhe konsulli i nderit biznesmeni Z.Avni Ponari.

Nënvizova nevojën për të arritur liberalizimin e vizave me Japoninë, si dhe mundësinë që nga ky bashkëpunim të marrim më të mirën nga eskperienca e tyre në fushën e IT, digjitalizimit dhe rritjes së sigurisë kibernetike.