ASA, institucion krenarie për shtetin shqiptar | 26 dhjetor 2022

Bisedë me Rektorin Prof.Dr. Luan Përzhita, Prof. asoc. Dr. Belisa Muka dhe Dr. Ledi Shamku.

Vizitë në Bibliotekën Arkeologjike

Vizitë në Fondet Arkeologjike

Vizitë në Muzeun Arkeologjike

Një punë e jashtëzakonshme e 123 punonjësve shkencorë, ku pjesa e madhe është e doktoruar në perëndim.

ASA është një institucion krenarie për shtetin shqiptar, edhe si i tillë ruajtja dhe statusi i tij duhet të jenë të paprekshme dhe të marrin sa më shumë vëmendje dhe fonde shtetëtore.

Zanafilla e Akademisë së Studimeve Albanologjike daton në vitin 1941, kur me vullnet të një grupi dijetarësh dhe me mbështetjen e shtetit themelohet Instituti i Studimeve Shqiptare.

Në 2007 ka marr jetë forma që ka sot ASA, e cila është Institucion i Arsimit të Lartë që permbledh ne vetvete: Institutin e Arkeologjisë, Institutin e Historisë, Institutin e Gjuhësisë dhe të Letërsisë dhe Institutin e Antropologjisë Kulturore dhe Studimeve te Artit.

Rëndësi të posaçme në punën e ASA marrin hulumtimi, vlerësimi, konservimi dhe promovimi i trashëgimisë materiale e shpirtërore të kulturës së lashtë e të re shqiptare, si një ndër dëshmitë e qenësishme e më shprehëse të identitetit shqiptar.

Domosdoshmëri rihapja e masterave dhe doktoratura të ASA, për të frymëzuar sa më shumë student të ndjekin këto degë me rëndësi kombëtare, për të ngritur kapacitetet e reja që do jenë studiuesit e ardhshëm të ASA, për të punuar në ekipe të përbashkëta për ecjen përpara të shkrimit të historisë nëpërmjet provave arkeologjike.