Deputete e Partisë Demokratike në Kuvendin e Shqipërsië | 2021 - 2025
Meqenëse ju nuk jeni në dijeni se çfarë ka ndodhur, edhe si kryetare e Komisionit të Medias, po ju them se gazetarja Eksiola Shehu, e cila është edhe shtatzënë, është shtyrë nga deputeti i Partisë Socialiste, zoti Pandeli Majko. Dhe kjo është një sjellje e papranueshme për të cilën ky Kuvend, në fakt, ka refuzuar në kohën kur drejtohej nga Lindita Nikolla, të pranonte që të bënte një rezolutë për gratë gazetare. (Ndërhyrje pa mikrofon)
Duke qenë se u shtuan rastet kur gratë…
Elisa Spiropali – Ju lutem, me qetësi, pa ilaritet!
Ina Zhupa – Po ia thua sallës, besoj.
Elisa Spiropali – Sigurisht, sallës.
Ina Zhupa – Duke qenë se u shtuan rastet, me të cilat dhunohen pikërisht gazetaret femra, sepse pikërisht ato janë më të brishta dhe në sytë e një mazhorance maskiliste, që është indoktrinuar nga simboli i dhunës, që është Edi Rama, mund të bëjnë çdo gjë me gratë, kërkoj edhe një herë të sillet në vëmendje rezoluta për të mbrojtur gratë gazetare dhe sigurisht që ky Kuvend dhe ju, Kryetare e Kuvendit, të distancoheni dhe të kërkoni masën ndaj deputetit, për një sjellje që është bërë brenda oborrit të Kuvendit të Shqipërisë. Por edhe sikur të ishte jashtë, është përsëri e dënueshme dhe ne duhet të reagojmë që të mos të bëhet standard ndaj gazetarëve në Shqipëri.
Shumë faleminderit!