Deputete e Partisë Demokratike në Kuvendin e Shqipërsië | 2021 - 2025
Po, do të më dëgjoni dy sekonda.
Ju të gjithë këtu për procedurë përmendët përjashtimet që kanë ndodhur në kohën kur Partia Demokratike ka qenë në pushtet dhe, fatmirësisht, jetojmë në një vend që mediet nxjerrin të dhëna. Në 8 vjet të Partisë Demokratike janë bërë vetëm 26 përjashtime, të cilat nuk i kalonin 10 ditë, kurse ju brenda një dite keni përjashtuar 24 deputetë dhe sesionin e kaluar keni përjashtuar 46 deputetë. Kjo ishte për të kuptuar standardin.
E dyta, për procedurë, ato listat tuaja që tha ai SP-ja i PS-së, i cili dilte me kapuç të zi dhe me kapele e takonte kriminelët në fushatën në Sarandë, ato fitoret e PS-së, që thotë ai SP-ja juaj, ai zotëria atje duhet të ketë kurajën edhe të thotë se kujt ia atribuon 23 mijë e 951 votat e qarkut Durrës që kanë marrë Çyrbja, Rrahja dhe Koka? Për këto vota do të mbajë përgjegjësi ai që ndryshoi konfigurimin e këtij Parlamenti, se cila ishte opozita dhe cila ishte mazhoranca?
Unë po marr vetëm një qark; nuk po marr qarkun e atij zotërisë që mori xhaketën e burgut ta bëjë provë, që ishalla i bën, dhe të jetë gati për dosjen nr.184. Se po t’u hysh të gjitha qarqeve, ju nuk dilni as mazhorancë, as me legjitimitet, e aq më pak pastaj me nder, se jeni Parti Socialiste.
Kështu që, kur vini këtu e na tregoni procedurën dhe moralin si mazhorancë, shikoni pak kujt krimineli i detyroheni, shikoni pak si i keni marrë votat, pastaj hajdeni e flisni me ne. Sa për 11 vjet, ka të drejtë zoti Balla, 11 vjet keni…
Elisa Spiropali – Zonja Zhupa, ju lutem, nuk po flisni për procedurë!
Ina Zhupa – Po, 11 vjet keni, zonja Spiropali, por keni vjedhur sa për 110 vjet. Kaq kisha.
Faleminderit!