Deputete e Partisë Demokratike në Kuvendin e Shqipërsië | 2021 - 2025
Zoti Braçe, unë të kuptoj shumë mirë, se ti ke dashur të votoje kundër atij koncesioni të Butrintit dhe e ke peng këtë gjë, ndaj ndihesh pak fajtor, besoj, për atë pjesë.
(Ndërhyrje pa mikrofon)
Kështu që, gjuha shkon ku dhemb dhëmbi.
Ty të ka ngelur peng ajo pjesë, që nuk dole dot nga vullneti i partisë, se ti e tregon që edhe mund të dalësh ndonjëherë nga vullneti i partisë, kurse për peshkimin dhe për peshkatarët, unë e kisha detyrim dhe nuk besoj se duhet të marr leje nga mazhoranca për temat që trajtoj për qytetarët e zonës sime.
Kur të arrijmë që të na i shkruani ju dhe të themi çfarë të doni ju, më mirë të ikim fare dhe ta lëmë këtë punë. Ne kemi vlerë për aq kohë sa përfaqësojmë ata njerëz që na kanë votuar dhe ndjekim interesin e tyre. Ju, si mazhorancë dhe jo ju si individ, keni vlerë për aq kohë sa i bëni fresk Edi Ramës dhe ai ju vendos në lista të sigurta.
Faleminderit!